يعنى بجد كان نفسى ألاقى كلام أقوله عن الى حصل لمصر فى ماتش مصر والجزائر فى التصفيات المؤهلة لنهائيات كأس العالم فى جنوب أفريقيا ٢٠١٠ .
لما مشجعى الجزائر يروحوا يشتروا كل الأسلحة البيضاء من الأسواق مثل السكاكين وما شابهها من جنازير وسلاسل حديدية, يعنى (حرب عصابات) والى مقدرش أشبهها بغير كده موش ماتش كوره , ومعنديش كلام اقدر أقوله فى الى حصل فى الماتش . وغير كده مقاعد المصرين الى حجزوها وقفلوا الأستاد من الساعه 2 الى هوه وقت وصول طيارات مشجعى مصر وكمان يتفرجوا على الماتش فى الجناين بره , يعنى الى انا اعرفه ان الطبيعى بعد الى عملوه فى مصر ولأتهمات و تشويه صورتنا فى العالم وتشبهنا باليهود وإطلاق أسم مصرائيل علينا , الطبيعى ان الجزائرين كانوا يلعبوا من غير مشجعين , يعنى موش يبقى فيه نار شايطه بين الفريقين و ننزل للفرقتين مشجعين, فين العقاب للفريق بعد الى حصل فى مصر, وغير كده المشاغبات الى عملوها قدام السفاره و تحطيم مطار مصر للطياران ازاى بعد كل ده الجزائريين دول يلعبوا بمشجعين . ده غير الى سمعته انهم نزلوا طيارات حربيه فيها 50 ألف مسجون مطلعنهم من السجون يعنى إزاى طياره زى دى يتسمحلها بالنزول وسط كل المشاحنات دى, أنا بجد موش عارفه أقول ايه تانى . أنا رأى بعد كل الى حصل ده مصر لازم مترجعش الى مواطن جزائرى لبلده الى لما كل مصرى فى الجزائر يرجع . وبعدين ليه كل ده , عشان مباراه كره قدم, يعنى فين الروح الرياضيه الى دايماَ بنسمع عنها ؟
بجد ربنا يكون فى عون الناس الى ماتت بسبب الإحتفالات فى الجزائر 18 مصرى ماتوا … ده فوق كل ده شكلنا فى العالم الخارجى على أننا احنا الجناه و الجزائريين هما المجنى عليهم.
ده غير الجزائرى الى رمى مصرى من القطار فى لندن .
يعنى بجد كان نفسى ألاقى كلام أقوله عن الى حصل لمصر فى ماتش مصر والجزائر فى التصفيات المؤهلة لنهائيات كأس العالم فى جنوب أفريقيا 2010 بس بعد كل الى حصل ده انا فعلا موش عارفه أقول ايه .
